SUN搞作:SUN官場現形記:係時候做準備
貪曾個樣喊晒咁款,大呼小叫話要見教宗,不過身邊嘅人非常絕情,一口拒絕!不過,貪曾並無因為咁而氣餒,繼續發揮死纏本色……
貪曾︰求吓你,畀我見啦!
旁人︰唔得,一定唔可以畀你見,走後門嘅嘢我從來唔做!
貪曾︰真係無偈傾?
旁人︰你過主把啦,門口喺嗰邊!
貪曾︰你咪欺人太甚!我假假哋都係雀屎,仲做過特首!
旁人︰咁……好啦,帶你去見啦!
(貪曾被帶到某大樓內)
貪曾︰咦,我都唔係要見律師,做咩帶我去律師樓?
旁人︰又係你話你係做過特首嘅曾雀屎,任內貪盡海陸空,搵定律師幫你辯護就啱啦!