政壇：盧偉國天台與音樂結緣

WK出身基層家庭，一家幾口就住喺九龍城一幢唐樓嘅板間房，生活條件並唔富裕。佢憶述當年會同其他小朋友一齊喺唐樓天台跳橡筋繩、彈波子，甚至「踢地波」。有一日，佢如常同鄰家小朋友去天台玩，遇上幾位哥哥姐姐喺度吹口琴，於是就圍埋一齊邊聽邊學，之後仲用零用錢買咗一副口琴同一本口琴教學書，從此同音樂結下不解之緣。

佢話由踢波少年搖身一變成為專業工程師，都係因擁有擅記曲調嘅特異功能，無論係粵曲、京劇定係時代曲都會過耳不忘。為咗訓練記憶力，佢會將屋企玩具一一拆開，仔細研究內部構造，包括齒輪、飛輪同發條等零件，於是培養出對機械工程方面嘅興趣。