鄭麗莎尋日同男友遠赴關島結婚。（受訪者提供）
雖然「蜘蛛女」Lisa鄭麗莎月前喺長洲太平清醮搶包山比賽中失落「包山后」寶座，「包」場失意，但情場得意，佢尋日就同拍拖兩年多嘅男友Calvin遠赴關島註冊結婚。Lisa同Calvin都嚮往熱熱鬧鬧嘅家庭，仲希望可以趁後生生夠六個BB，睇嚟兩人婚後首個目標應該係努力「造人」喇！
一對新人與兄弟姐妹團扮晒嘢合照。（受訪者提供）
Lisa之前接受傳媒訪問，透露Calvin係牛津大學畢業生，畢業後任職投資專家，學業成績冇得頂之餘，仲係跆拳道黑帶，可謂文武全才。至於兩人相識經過，佢話自己早年同友人合資搞綜合格鬥健身室，其後喺健身室邂逅Calvin，兩人性格一個動一個靜，好合拍。
第一手消息請下載on.cc東方互動
