【本報訊】矮賊扮嫖客偷鳳姐值六千元手機。昨晨零時許，一名身高約五呎二吋、身形瘦削，穿黑衫及牛仔褲、孭黑色背囊的男子佯裝嫖客，到深水埗元州街一個鳳樓單位「撳鐘仔」，姓劉鳳姐（三十歲）開門迎入，傾妥肉金後，劉女先行入浴室沖涼，着對方坐在床邊等候。未料，男子乘機在屋內搜掠，將劉女一部智能手機偷走，收藏入背囊內。劉女其後步出浴室，對方即聲稱肉金太貴「唔啱」，然後開門離去。劉女心感可疑，立刻檢查財物，驚覺手機失去，知遇上竊賊，於是報警求助。警方到場調查，正追緝賊人歸案。
