SUN搞作：SUN官場現形記：習慣成自然
白鴿黨鐵頭仁同阿涂，鬼鬼祟祟唔知做咩，只見佢兩個本來低頭竊竊私語，但又突然間高聲大叫，講起武功來，身邊嘅人真係畀佢兩個嚇餐死……
鐵頭仁︰睇吓我嘅「鐵頭功」，我頂……你頂唔頂得住？
阿涂︰頂……我係用開「縮骨功」，早就閃開咗。
鐵頭仁︰咁我哋咪無事囉？
阿 涂︰好彩我哋平時訓練有素！
（卿姐見佢兩個神神化化，走嚟問吓發生咗咩事）
卿姐︰乜你兩個有練開功夫o架咩？
鐵頭仁︰唔係，我哋講緊收機豪遊單嘢，民望雖然跌，我仲頂得住。
阿涂︰我就縮埋扮無嘢。
卿姐︰你兩個梗無嘢，民望一向低，跌到點低都慣晒，可憐我要陪葬……好在有你哋墊底。
鐵頭仁︰%^&^&***((
