城中鏡：當年陽光少女 如今做媽咪
曾經拍陽光檸檬茶廣告嘅「陽光少女」Jeanette賴浣貞，今日已搖身一變做咗媽咪，Jeanette媽咪、社交名人孫光華證實喜訊，佢話：「Jeanette喺16號生咗個囡囡，BB重六磅十二安士，BB比預產期遲咗三日出世，我初初建議佢開刀，但佢話想試下自己生，話會對BB身體好啲，結果順產，大家都好開心。」
賴浣貞（左）同外籍丈夫十分恩愛。
賴浣貞當年拍檸檬茶廣告時一臉清純。
孫光華下月初會搭飛機去探孫。
陽光BB「兩面睇」
BB已改咗英文名Nadja，中文名就暫時未改好，Jeanette嘅老公係英國人，BB天生一副混血兒面孔，皮膚白雪雪，高高的鼻子，經常笑，而且一出世已有十九吋身長，將來肯定係高挑美女。榮升婆婆嘅孫光華就講笑話：「我係Glamma，唔係Grandma，下月初我會飛去探孫，會留兩個星期玩下孫。」孫光華又話Jeanette屋企飼養咗一頭重達百磅嘅South African Mastiff品種愛犬，所以家人同愛犬都要適應Nadja呢位新成員嘅加入。
