SUN搞作：打橫嚟講：醜陋的諾貝爾文學獎中國得主
好一個諾貝爾文學獎中國得主莫言，最近，喺香港《南華早報》的專訪裏，直指「審查制度可推動作家去挑戰禁區，成為佢哋『創新的激勵』」咁話！放唔放屁吖？佢仲舉例八十年代的中國，有好多禁忌皆提供咗不少挑戰畀作家，刺激佢哋嘅創作和想像力，成就咗「文學嘅黃金時代」！簡直係屁話狗噏嘅偽語！
全世界都知，中共政權最緊張重視嘅，就係「意識形態」啦！喺大陸的出版物，每隻字都要經過驗屍咁驗才可以付梓面世！「挑戰禁區」？想創你個心咩！
真的不怕死，又有思想敢言嘅，依家，唔係困喺秦城，就係二十四小時被監控，唔准出國囉！你莫言身為「中國作家協會」副主席，係負責控制意識形態嘅高級黨員，仲曾經帶隊參與抄寫毛澤東《在延安文藝座談會上的講話》，一定完全知道偉大毛主席的遺訓：「一切文藝創作，都係為政治服務」嘅目的啦！是個典型既得利益者，當然老奉讚揚邪惡的「審查制度」！勿怪全國人民踢爆你曾用筆名參與「文革寫作班子」（莫言否認過），正粉腸也！
據大陸的調查報告，莫言得獎後的版稅收益，係兩億人民幣，是中國作家首富，咁怎可不多謝黨的栽培呢？為「君王唱贊歌」，也屬應義之事也！還有，「審查制度」可以攔截其他「臭老九」嘛！
如果諾貝爾有回收獎項的制度，多好！起碼，在一個沒有最卑鄙，只有更卑鄙的賤人圈裏，有個制衡的監管，勿讓諾獎丟o架嘛！
莫言，你不特只要「收嗲」，還應「收皮」！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
