城中鏡：馮孝忠帶隊同長者做節
今日中秋節，係人月兩團圓嘅日子，原來恒生管理層同埋義工喺上個星期六，已經同一班老人家提早做節，執行董事Andrew馮孝忠、零售銀行及財富管理業務主管Nixon陳力生同分行網絡業務主管Peggy譚麗琼等，仲同一百六十個「老友記」食中秋飯做節，大玩「收買佬」遊戲。
馮孝忠（左二）同表演中國扇舞嘅長者合照。
中秋唔少得賞燈會，超過五十個恒生義工就參與老人家親手設計同幫手紮咗二百個懷舊花燈，一班長者亦好互動，為Andrew同Nixon等義工表演扇舞，話答謝番恒生嘅善心。
