城中鏡：李慧詩學習海龜鬥志
恒生銀行喺月初請咗世界級攀山專家曾志成向員工分享挑戰極限嘅心得，尋日又再搵「牛下女車神」李慧詩嚟講talk，個名同佢差一字嘅恒生銀行行政總裁Rose李慧敏係座上客。唔講唔知，原來女車神好喜歡海龜。
恒生銀行行政總裁李慧敏致送海龜紀念品予李慧詩（左）。
李慧詩自言喜歡海龜，因為海龜出生後，喺大海中嘅求生意志，勉勵佢要堅持奮鬥，自強不息，唔怪之得Rose送畀佢嘅紀念品，就係同海龜有關。說來奇妙，李慧詩嘅單車運動講求速度，偏偏佢就鍾意動作慢嘅海龜。
女車神講talk內容，圍繞「遇強愈強」嘅心得，除咗Rose咁捧場之外，原來有近三百位員工參加。出席恒生高層包括財務總監梁永樂、傳訊及企業可持續發展總監張樹槐等。恒生嘅員工好欣賞李慧詩永不言敗嘅精神，講座後更踴躍排隊同李慧詩合照，簽名環節長達四十五分鐘，可見受歡迎嘅程度幾高。
