燒房處處長錯鑫，揸住o架車喺路上風馳電掣，自然就被兩個交通警截停，錯鑫不情不願將車泊埋一邊，等候發落。

「阿sir，大家都係公僕，畀條生路行吓得唔得？」錯鑫哀求道。「哦，原來係燒房個老頂，平時救人就遲大到，今次做咩開咁快？」交通警問。只見錯鑫一臉不耐煩，左腳上下擺動，右手雙指緊夾，默不作聲。交通警見狀怒斥︰「阿sir問你嘢，做咩唔答？係咪唔滿意？」錯鑫頭耷耷，急道︰「阿sir，我揸咁快都係為咗『救火』！」交通警聽到，心中遲疑一陣，再問︰「救火？但我無聽call台有報過火燭喎！」

錯鑫指向遠處︰「阿sir喺嗰邊！」交通警極目遠看，原來是個報紙檔︰「喂，邊有火呀？」錯鑫回應說︰「阿sir，救人如救火，我再唔買包煙食就死o架喇！」

第一手消息請下載on.cc東方互動iPhone/iPad/Android/Windows Phone Apps