SUN搞作：SUN官場現形記：說好的快呢？
李衞見企係垃圾桶隔籬嗰個咁熟面口，原來係消防處長食緊煙！李衞八八卦卦行去佢嗰度吹水囉。
李 衞：處長，你哋啲消防車開得好快吓喎！
錯 鑫：無錯，救人要緊嘛！
李 衞：快到離晒譜！
錯 鑫：梗係啦，我哋將市民的生命放喺首位！
李 衞：之不過，你哋前排撞車喎！
錯 鑫：咦……忙中有錯啫……
李 衞：炒車唔止一單咁少添喎！
錯 鑫：唔……咁咪當換咗之前買錯啲車囉！
李 衞：吖，消防車就開得鬼咁快，又唔見你哋白車開快啲救人，個小朋友可能變植物人呀！@#%$%@%#^!!$
