SUN搞作：少膽虫手記：爛果轉營真相
「少膽虫！究竟有無開妓寨o架？」淫賤黎拎住封啱啱收到嘅律師信，喺創作新聞會上大聲質問。
「腦細想要，就壹定有！」少膽虫向以機智見稱，轉瞬間就回答：「要泰國、越南，定係白俄、烏克蘭？為咗擴展腦細你嘅淫業王國版圖，少膽虫願作前驅！」
「啪啪啪啪！」少膽虫面上連中四巴，「夠喇！我唔係你想像中咁淫賤o架！人哋仲成日讚我『誨仁誨道』！」淫賤黎仰天慨嘆：「我煩緊嗰壹本週刊又畀人告誹謗咋！」少膽虫咁樣先至醒起嗰壹本週刊話慈善組織開妓寨，又惹官司，淫賤黎仲邊度有心機東征西討，宣淫販賤呢？唔得，唔可以咁落去。
「事已至此，惟有將錯就錯。」少膽虫自信滿滿：「我哋用爛果慈善基金去開妓寨，咁嗰個報道咪係堅料囉！」淫賤黎一聽，雙眼發光：「叻仔喎！但係除咗你肯賣身兼送靈魂，仲有人肯做咩？」少膽虫嘴角輕輕上揚，細聲話：「逼嗰班美術『轉營』囉！呃咗佢哋調過去，仲可以話炒就炒，幾時反口都得添！」
