「我加咗人工啦，可能最低工資有幫助呢！」從事燒焊的文叔，一邊報喜，一邊報憂：「以前打多份工養老婆同兩個仔，依家得我一個唔使咁多錢喇……」問到工餘消遣，他說現時不用再做兼職，放工又毋須給家人煮飯。只好靠打機打發時間：「我又唔飲酒，所以唔會有酒肉朋友，去機舖幾好呀，我玩麻雀遊戲呀，用吓腦打發吓時間，機舖多人熱鬧，好過自己留喺屋企嘛！」

打機年資已近兩年，文叔跟遊戲機舖的場務員已相當熟稔，只是別人都不知道他的故事。「我唔會刻意講，隔籬鄰舍都一樣唔知，唔知佢哋睇電視新聞會唔會見我呢？」希望在明天，但願日後傳頌的是文叔的快樂故事。