SUN搞作：打橫嚟講：畢業大專生破產成風實錄

九七前，在香港有大學生身份，即使未畢業者，也是一個光榮的符號，令父母欣慰和揚眉，是社會菁英的天之驕子，也是社會未來棟樑和希望！怎似得現今……一個字：「唉」！

當看到大學迎新營、開學日要怪獸家長陪同、直升機父母照顧時，還有甚麼獨立思維可言？加上那些甚麼O camp集體活動，盡是低能幼稚無聊白癡舉措時，還講乜嘢社會希望？

嗱！這群腦囟不能生埋的稚子，並非罪人，反而，他們才是最傷的受害者！

回歸後的香港教育，以生產製造「無主見」、「無思想」的「KEI子」為主調（大陸語叫「主旋律」）。大家看看，由幼兒班起至大學畢業的廿年裏，有哪一日、哪一科係讓小朋友開心過？快樂學習過的呢？由頭到尾，有哪一堂、哪一課培育人性德行的呢？

香港學童由認識第一隻字開始，就從功利主義出發，自小對「價值觀」的觀念，全以利益考量，為求目的，不擇手段，行蠱惑，耍陰招，再不會面紅！

政府為壓低失業率真相，逼學子留在學校繼續返學再返學。學費年年加，「讀飽書」，無法再獃在校園的「畢業生」，已欠下一屁股債，每月薪金得嗰八叉嘢！唔蒲唔溝女/仔，自己都唔夠使啦！點還「關窿」呀！最佳方法就係先前狂申請信用卡，碌Ｑ爆佢。一畢業立即申請破產，乜都當無數，反正，都係「孭簿」幾年之嘛！搵都搵唔到咁多錢啦！仲有，趁呢幾年，去申請綜援同排隊攞公屋，掂晒！

當大家都唔講社會責任和道德時，咪係咁囉！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府