SUN搞作：Sun官場現形記：「官人我要」
衞署助理署長「梁是利」，着數遊澳洲。市民得知，個個怒髮衝冠，直闖去同佢對質，只見梁是利一副面紅嬌喘嘅樣，唔通佢自己都知衰？
市民︰面紅紅咁嘅樣，你知錯未？
梁是利︰官……人……我……要
市民︰你喺度講咩？
梁是利︰我係話為官之人，呢啲係我工作需要。
市民︰咩工作需要？你都就退休喇！
梁是利︰咁都要畀人話！真係無聊！唉，歎世界……
市民︰嗱，你終於肯認去歎世界！
梁是利︰公幹遊埠都唔止我一個，淨係針對我，唔「哀嘆吓世界」都唔得喇！
市民︰咁都講得出口？你先至無聊！
