透視鏡：卸貨問題20年未解決
油麻地果欄早年已因卸貨位置不足而引起爭議，曾任油尖旺區區議員的吳寶珊憶述當年果欄人士苦況，指卸貨問題在近二十年來遲遲未解決。
「九六年前，因為無集中卸貨區，啲果商只有喺路邊落貨，當然引起好多交通問題，之後就開始有聲音提出要果欄搬遷。」吳指，當時計劃將果欄搬遷至長沙灣副食品中心的四樓，惟果商和工人覺得位置不便而紛紛反對，最後更爆發大規模遊行。
「當時政府搞唔掂搬遷問題，最後更不了了之，直至政府租地由商會營運，卸貨區喺○五年正式運作，點知引發另一個問題。」吳表示，當時曾多次通知當區地政處及運輸署派代表到區議會開會，希望反映卸貨區問題，又試過去信，但不獲認真處理。
