SUN搞作：網絡小說：懺悔錄
近年好多狗官膠人都爭住信教，每個禮拜六佢哋都會爭住去城中嗰個「中產至上主教堂」度排隊懺悔。今日高主教就率先嚟到，望住神父好悲戚地呻吟：「主，我錯了！我執咗本鹹書嚟睇，仲要係男人嚟嘅！」神父閉眼禱告，然後沉靜咁話：「過去飲啲聖水，主會原諒你。」
第二個告解嘅係淫賤黎，一見到神父，佢就跪喺度，流住眼淚悲鳴：「主，我錯了！我尋日睇少膽虫跳脫衣舞……」神父閉眼禱告，然後沉靜咁話：「你淫賤不能移，過去飲啲聖水，但主未必會原諒你。」
第三個告解嘅係貪曾，佢見到神父，陰啲陰啲咁講：「我啱啱去食飯，埋單之前忍唔住口，偷偷哋入廚房拎咗隻吉品鮑入褲袋……頭先入來見口喝又飲晒啲聖水……」神父聞言大驚，即刻衝出告解室大叫：「有人偷聖水飲！報警呀！」
