又有乜乜調查話香港競爭力不如星洲，李衞見慣風浪，可以同你講呢啲調查十居其九係吹水！因為講到尾，香港有好多獨特優勢，啲膠官搵我獻計，真係多餘……

膠官：幾乎月月來潮，又有報告話香港唔掂喇！

李衞：今次又有咩新意呀？

膠官：就係話我哋無新意！但係無理由o架，咁多口罩人呀、小巨肺支持我哋施政，都會無新意？

李衞：算吧啦，人哋話你官僚、低效、無認受性，你又選擇性失明啫！

膠官：你再批評我，我選擇性失聰添！我哋一致對外，諗吓點對付星洲先啦！

李衞：星洲負責洗東南亞黑錢、香港靠祖國貪官洗錢發達，爭乜嘢？再講，我哋絕對唔會輸畀星洲。

膠官：何解咁肯定？

李衞：無論點輸，我哋有貪曾鬍鬚曾，「勁曾力」一定唔會輸！

第一手消息請下載on.cc東方互動iPhone/iPad/Android/Windows Phone Apps