喂！香港廢柴政府，我有嘢不明所以呀？我想請問吓：喺香港做官吏的首要條件，係唔係要黐膠線嘅呢？否則，何解會有以下的變態言論和政策嘅？

深水埗有個無錢的大善人明哥，見太多人無飯食，遂每日自費派飯行善，點知，卻遭該區助理福利專員李源雄，同民政事務專員莫君虞呢兩件粉皮指摘話愈多人向露宿者派發物資，就愈會吸引愈多人露宿，減少咗佢哋「脫離露宿的誘因」喎！看官們，呢啲逗緊十萬八萬公帑嘅廢柴，幾差涼血吖？

以佢哋嘅思維邏輯，是不想X交叉特區政府派發綜援金而引誘好多人唔搵工做嘢吖？定係媽叉香港廢柴政府唔攞番「入境審批權」，而令到好多大陸人不斷湧來香港搵着數吖？

只看枱面數，每年也有近六萬人從大陸「合法」來港定居，香港廢柴政府唔從「源頭減廢」處理，即使填密個維多利亞港，都唔夠地安置咁多「同胞」啦！

哼！呢個由特首領導嘅長遠房屋策略督導委員會好嘢呀！建議政府引入發牌制度，將「劏房合法化」，呵呵！早前，已派關愛基金羅致光打頭陣試水溫，向工廈劏房戶派揞口費。

今日，名正言順幫原本違法的劏房業主洗底兼「升呢」！咁以後，「醉駕」咪又合法？「僭建」的可領個大紫荊獎？

嗱！香港今日已經乜都衰過人o架啦！再咁落去，福田都不如啦！

唔該嗰啲粉皮蛋散大中小官員為咗自己最尾兩年或其後代福祉，積番啲陰德，唔好再扮「不明所以」同害人，好唔好？阿們！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps