SUN搞作：少膽虫手記：狼一樣的隊友

唔好話少膽虫淨係識讚自己，之不過喺《爛果》入面，少膽虫嘅新聞觸覺肯定無出其右。好似尋日，成班行家斷估開學日風雲變色，派咗N隊狗去影小學雞，點知淋老師捕唔到，只係影到啲不文遞信相，咁無料到，實收硬大信封啦！須知道壹全霉除咗誨淫誨盜，仲以獨特重口味見稱，死人相都可以放頭版！少膽虫一早落咗個英明決定，派菜嫌貴拉隊影佔仲肥佬同警犬嘅氣咳相，以締造繼娜姐師弟獻吻老翻「吳得掂」男男情未了之後嘅另一場哄動。橋已度完，題都諗埋，一於叫「肥佬周身泥 警犬唔老黎」啦，水到渠成，今次少膽虫又有得威。