貪曾貪湯一向都形影不離，海味、珠寶、旅行乜都呃盡玩盡。有日見悶，貪曾話：「湯湯我好想喺你個櫃入面瞓覺覺豬呀！嗰度有我哋嘅甜蜜回憶，我想行入去再出番嚟！」於是貪湯就清咗個大雪櫃放咗喺廳畀貪湯瞓。

第二日，貪湯起身見到個雪櫃唔見咗，癲咗咁大叫：「我的櫃！」佢條女聽到，睡眼惺忪行出嚟，扭擰地答：「衰人，仲未罵你呀～次次飲完酒都斷片，今次仲連個酒櫃都拎埋出嚟添。」「咁個櫃呢？！」貪湯咆哮。「幫你收番入廚房，插埋電掣喇！幫咗你仲咁惡鬧人哋……」

「搞出人命嘞！」只見貪湯推開佢條女，衝入廚房，打開雪櫃門，奄奄一息嘅貪曾即刻跌咗出嚟，「嗚啊！雀屎真係屎咗喇！」貪湯的叫聲，響徹天地，可謂聞者傷心、聽者流淚。

第一手消息請下載on.cc東方互動iPhone/iPad/Android/Windows Phone Apps