SUN搞作：SUN官場現形記：點漏都無事
李衞尋日喺香港一個公園撞到貪湯企喺度飲酒，仲成地都濕晒添。好有求真精神嘅李衞，梗係衝上去問個究竟啦！點知無恥開嘅人完全無變過！去片！
李衞：貪湯，你醜事纏身，日光日白拎住支酒，唔驚遲早洗pat pat入冊咩？
貪湯：（面紅耳熱）一日個檢討報告未出，一日我都繼續歎！
李衞：全香港都知你啲臭史啦！
貪湯：（狀似飲醉，拎支地拖出嚟）拖～拖～拖！
李衞：你終於有番啲良心，肯拖番乾笪地喇咩？
貪湯：（笑口噬噬）拖嚟拖去，份報告都未公開，嘻嘻！
李衞：唔好傻啦！天網恢恢疏而不漏呀！
貪湯：（奸笑）就算係漏都無事呀！
李衞：你收買咗啲咩人？講！
貪湯：（毫無廉恥）堆填區滲漏都「hea」過咗啦，所以我實無事，我好留意時事o架，你唔好蝦我～
李衞：gh*!@$&*(e$^)!
