政壇：鍾樹根北海道做狗仔隊
議員鍾樹根早前喺立法會啱啱休會嘅時候，同太太去咗北海道做狗仔隊。莫非去追星？原來佢係同太太跟住即將出閣嘅囡囡去影婚紗相，順便去埋旅行。
鍾樹根（左一）同太太（右一）做跟得父母，唔捨得離開個女同女婿半步。（受訪者提供）
囡囡影婚照 全程傍實
當佢哋去到富良野時，本身係攝影發燒友嘅樹根見到咁多薰衣草，梗係攞架靚相機影花啦。不過，當愛女着起婚紗，樹根自然連花都唔影，要追住個女。於是佢成個過程就P:係咁追住囡囡同未來女婿影相。
結果搞到負責影婚紗相嘅攝影師要呃完再氹咁想盡辦法使開樹根，除咗話幫佢哋免費影一張全家福外，又示意山上面啲花更靚。
樹根笑言，聽到攝影師咁講，就知道攝影師想叫佢同太太影完呢張相，就乖乖上山自己影吓花，唔好阻住晒喎！
