暑期完結，今天是開學首日，香港特區交通肯定亂過亂葬崗。嗱！千祈勿畀我估中耶！

近十六年來，沒有一年新學期首日，香港早上路面交通不混亂的！唉！我諗極唔明，此地只不過換了一面旗啫！「做實事」的，咪又係同一班人種，仲曾經被國際級雜誌稱許過話係世界一流的人才添o架！何解當家作主後，就屁股指揮腦袋，搞到乜春都亂過交竹嘅？

各位本欄擁躉，如果係住新界北區的，請留意你屋企樓下嘅巴士路線，有無參與咗「巴士路線重整計劃」，原有的班次可能已取消了！還存在的，可能停車站頭唔同咗，甚或路線和總站地點也不一樣o架！小心小心！

跨境學童就更慘，保母車費加價，不在話下，每年的跨境學童逐年遞增，已是個「社會結構性死症」，但我們可有見到香港廢柴政府正視過嗎？有悉心解決嗎？那個只懂躲在奶媽林鄭背後的教育局長，成世龜縮唔得掂，幾十萬人工一個月，連出版商斂財暴利也袖手旁觀，此廢柴還能有乜貢獻吖？

基層小家庭多慘，有團體調查所知，兩個學童的新開學支出，平均佔一個家庭總收入的二至三成；較窮困的，可是全家半個月薪金呀！香港廢柴政府日日叫人畀機會佢哋做好民生實事，睇吓！大事做唔掂之餘，連交通、書簿費都無法搞得好！你話幾廢吖？

仲有呀！由特首下令搞大佢的「林老師事件」，那班暴民去人哋學校搞事，警察都居然「不反對」，呢啲叫做「管治」咩？嗱！邊個去嚇親小學生者，一定畀雷劈！我話嘅！夠薑嘅就去搞事吖！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps