上帝、「薄爪爪」同貪湯三個人去打哥爾夫球。上帝想要比賽，「薄爪爪」同貪湯一齊搖頭：「你無所不能，點夠你玩呀？」於是上帝提議幾杯酒落肚再打。
酒過三巡，三個人都醉醺醺，「薄爪爪」打電話畀屋企掌櫃，無幾耐，佢架私人飛機將個波送上果嶺再入埋洞。「You see？個波入咗洞喇！」「薄爪爪」好開心咁話。
上帝點可以畀凡人威過佢？於是佢拎起支桿衝出去，一揮桿，剷起成塊草皮，北半球變咗個大窿。「You see？個波入咗洞喇！」上帝好開心咁話。
呢個時候，貪湯就呻吟：「桿！桿呀！」上帝轉頭問貪湯：「你唔認輸，仲要打？」貪湯不停傻笑：「你哋都戇居嘅，個地球都毀滅咗啦，邊個知賽果呀？」貪湯拎住支茅台，咕嚕咕嚕咁繼續呃酒飲：「乾！乾呀！」
第一手消息請下載on.cc東方互動力持奇俠
