SUN搞作：Sun官場現形記：無牌搞教育
吳得掂有名你叫，李衞實再唔需要再同大家介紹呢位教育局膠官。不過，最近喺北區興起一啲無牌嘅跨境童宿舍，吳得掂再唔掂，都要搞掂佢。點知佢自己反而畀人大踢爆……
得掂焗腸：家陣查牌！男左女右貓狗企中間！
無牌校長：我企你嗰邊得唔得？
得掂焗腸：你呢啲經營無牌宿舍，隨時累到家長血本無歸嘅壞人，我不屑你企係我度！
無牌校長：咁我哋方便啲學生，又唔係咩十惡不赦嘅事！
得掂焗腸：唔理！今次我要拉你，威番次畀奶媽睇！
無牌校長：唓！好巴閉咩！你夠係無牌啦！
得掂焗腸：我？
無牌校長：你呢啲做開人力資源、獵頭公司嘅人，又有咩牌學人搞教育呀？
得掂焗腸：％＄＄＊（＃＄＆＊！！
