政府推出遏抑炒樓雙辣招近一年，雖然不斷上升嘅樓價稍有抑制，但似乎亦未有顯著下跌嘅迹象，以致租金價格仍然高企。所以立法會主席曾鈺成尋日出席活動見到財爺鬍鬚曾時，不忘提到議員好難喺地區開辦事處嘅問題，又當眾批評鬍鬚曾畀唔到資源啲議員。真係唔知佢究竟想話財爺管唔到議員津貼啲數，定係想暗寸鬍鬚曾對遏抑租金升幅束手無策呢？

設計圖片及對白

曾鈺成話雖然議員要多做地區工作，面對選民，但都幾難喺地區開辦事處，皆因資源唔夠喎，不過，鬍鬚曾都畀唔到呢啲嘢班議員，議員如果可以喺地區開辦事處，除要祝賀嗰位議員外，仲要祝賀當區街坊。

其實，鬍鬚曾喺今年立法會審批財政預算案《撥款條例草案》時，早已自嘲過政府只係個「失匙夾萬」，如果冇立法會呢條鎖匙喺手，政府唔可以隨便動用一分一毫，所以政府可唔可以增加議員薪津，其實除咗要睇吓個獨立委員會研究結果外，始終都要睇立法會肯唔肯通過有關撥款。至於樓市雙辣招係咪管用？政府同社會人士就各說各話囉！

第一手消息請下載on.cc東方互動iPhone/iPad/Android/Windows Phone Apps