SUN搞作：Sun官場現形記：連環解釋，等如掩飾
李衞喺燒房總部外面撞到處長錯鑫吞pot煲煙，於是上去問吓佢搞好個「亂局」未，點知佢好無恥地大條道理掩飾過錯……
李衞：燒房連環出錯，有咩解釋？
錯鑫：無事嘅，我奉行「積極不干預政策」，大事化小，小事咪化無囉！
李衞：所以燒房員可以喺燒房BBQ、可以提早放工做龍友……
錯鑫：無、無、無，我哋好勤力o架，除咗救火，仲處理好多投訴o架！
李衞：所以就闖入正義傳媒嘅伺服器房……
錯鑫：邊係呢，我哋啱啱仲掟咗九千萬買升降台，務求提升燒房質素！
李衞：咁點解又唔買多幾架白車，機場無車用喎？
錯鑫：查實呢，唔夠白車嘅問題真係唔係問題嚟……
李衞：你收聲啦！我想話買多幾架白車，運晒你哋班廢官入醫院醫腦呀！
