設計圖片及對白
立法會放緊暑假，議員都各有精彩節目，自揭同志身份嘅議員陳志全（慢必）尋日往廣州捧達明一派演唱會，佢嘅行程卻成為社交網站嘅討論熱話，皆因慢必由銅鑼灣上的士想去紅磡，本來只係隔條紅磡海底隧道嘅路，點知司機反問佢想行邊條隧道？慢必隨即喺社交網站留言「司機哥哥好進取」，呢條隧道嘅選擇引嚟唔少網民回應，有人仲教路慢必回答：「想行時光隧道」！
慢必指司機進取，意思似暗指對方為生意而好勇，有網民留言就話，司機哥哥可能當慢必係內地旅客，又有網民話紅磡過海隧道可以好塞車，特別係有交通事故嘅事候，所以司機肯問多句都係好嘅。最搞笑嘅仲係一啲抵死回應，有網民建議慢必同司機哥哥講，話要行大老山隧道、時光隧道，甚至行人隧道等等，認真搞笑。
其中有個留言估計氹得慢必最開心，皆因個網民認為，個司機哥哥可能見慢必靚仔，想撩佢吹水喎。
第一手消息請下載on.cc東方互動
