SUN搞作：Sun官場現形記：「篩」吓啲意見
近排天氣熱，病菌散播速度快，搞到病病哋，不過本住求真嘅信念，李衞梗係keep住訪問城中官員政客，點知發現白鴿主席嘅語言同理解力都好驚人……
李衞：（聲沙有咳）想問問你嘅睇法，你對於特……特……咳咳！
四方卿：（義正辭嚴）我都無話要選特首！
李衞：（更正）咩呀？我想問你「特權免申報收機票」係咪存在咋喎！
四方卿：（堅定）我哋白鴿無收受利益o架！
李衞：咁你同商界食飯，肯定都唔係為咗歎鮑魚飲紅酒啦！係咪傾公事「普損」呀？
四方卿：（面紅）無可奉告！「普損」講公平普及，一人一票，最緊要大家一齊傾！
李衞：（疑惑）咁你同商界食飯係為乜？
四方卿：無呀！只不過篩吓啫！
李衞：傾篩～選？
四方卿：我想話食飯係篩吓，過濾吓不同朋友嘅意見，順便游說商界支持「普損」咋！
李衞：ft(%(()~!)~@!
