某間扮晒出名嘅珠寶店為咗吸引客人，訂咗條新規定：名人買嘢唔使畀錢。咁筍，成班靠醜聞「威盡全港」嘅廢官實唔執輸！第一個梗係貪曾，佢為咗證明自己係曾雀屎，去到間店即刻喺褲袋摷個鮑魚出嚟猛咁吔，之後笑口噬噬咁講：「啱啱黐飯食嗰陣打包o架。」老細見佢咁無恥，就知道佢肯定係貪曾雀屎，於是中門大開，畀佢全店免費任揀。
然後，又有客人大駕光臨，佢自稱係燒房處長陳錯鑫。老細心諗，個個肥佬都肥頭耷耳，你話自己係淫賤黎都得啦！於是又再問佢點證明自己係燒房處長。
陳錯鑫即刻不徐不疾咁喺褲袋拎盒「大X華」煙出嚟吞雲吐霧，食完成支煙，施施然講：「我諗唔到例子答你喎……一有嘢煩我就潛水o架嘞！」老細即刻恭恭敬敬請錯鑫坐低，再話：「啱嘞啱嘞！你一定係燒房處長嘞！招呼唔到，慢慢揀！」
第一手消息請下載on.cc東方互動笑大你個口
