林慧思
近年好多分別支持泛民同建制陣營嘅民間團體相繼冒起，最新鮮熱辣就要數上月底成立嘅「家長公民」，開宗明義支持爆粗辱警嘅教師林慧思，仲高舉「十八區家長教師會聯會不代表我」嘅旗幟，擺明向聯會主席李偲嫣挑機。呢班「家長」自稱「雞蛋家長」，為咗小朋友唔怕「高牆」，截至尋日大約有六百幾人「讚好」，講明「任何騷擾林老師學生開學的行動，都與我們家長為敵」添！
不過，多個團體包括愛港之聲、十八區家長教師會聯會都已經講明當日唔會派人現身學校，就連林慧思本人都請假一個月。呢班「雞蛋家長」係咪培靈學校家長不得而知，如果佢哋九月二日去到學校，先發現人影都冇隻，得番學校幅「高牆」，到時就真係雞蛋遇高牆喇。
第一手消息請下載on.cc東方互動
