SUN驚奇：嫖客出言調戲可控遊蕩
流鶯惹來嫖客聚集，不但影響市容，有嫖客更會對居民投以猥褻目光及出言調戲，甚至會直接「問價」，對區內女士造成極大困擾，法律界人士指出，嫖客出言調戲未必構成性騷擾，但會觸犯遊蕩罪。有婦女團體代表提醒，女士如遇性騷擾，應挺身舉報，以免助長歪風。
「嫖客喺公眾地方逗留，而佢哋嘅出現會令人合理地擔心自身安全同利益，就已經係遊蕩。」執業大律師陸偉雄解釋，如嫖客向任何人問價，是觸犯「為不道德目的而唆使他人」罪，「雖然唔一定要坐監，但一經定罪就會留有案底。」
遇性騷擾應挺身舉報
「出親街都畀人望實、畀人撩真係好尷尬。」香港婦女動力協會會長麥美娟呼籲，婦女如遭性騷擾，必定要挺身舉報，「有啲嫖客明知佢哋（婦女） 唔係妓女，都會覺得撩下都好，有啲婦女被問價都會唔出聲，諗住走咗就算，咁樣只會助長嫖客嘅行為，所以一定要報警。」她認為，警方應正視問題，以免婦女再因嫖客聚集而受到不必要的騷擾。
