周一鑊唱歌難聽，又經常被人話係廢官冇腦，把心一橫，要買個腦返來。去到賣腦嘅舖頭，大腦A標價幾千萬，「嘩！咁Q貴嘅！」一鑊即刻嚇親，認真啲睇，呢個腦珠圓玉潤，原來係愛因斯坦嘅！一鑊即刻扮晒專業咁話：「以我翻閹嘅專業擔保，天才個腦肯定不同凡響，實在忘不了～腦！」再睇，大腦B平啲，三百萬就有成交，但係呢個腦稍嫌呆板，原來係喬治布殊嘅，一鑊又再評腦：「真係人貴自知！不過總統個腦黑黑實實，都幾Amazing～Great！」最後一鑊睇中咗個又細又縮嘅腦，竟然賣五千萬！一鑊不解，點解呢個腦又廢又殘，明顯無研究價值，都要賣得咁貴？售貨員答：「愛因斯坦、喬治布殊個腦都係用過嘅二手貨，呢個腦係全新o架！所以先咁貴。」一鑊追問個腦係邊個，售貨員答：「係貪曾嘅。」

第一手消息請下載on.cc東方互動iPhone/iPad/Android/Windows Phone Apps