SUN搞作：SUN官場現形記：錯鑫又凸嘢
香港國際機場有兩架救護車，分別駐守在南北跑道旁，但點知消防處亂調動，打抱不平嘅李衞自然去質問處長錯鑫喇……
李衞︰嘩，真空呀，有無搞錯？
錯鑫︰係咩？咁有無凸出嚟？
李衞︰一早凸晒出嚟，仲一覽無遺！
錯鑫︰唔係啩，係邊？點解我睇唔到……
李衞︰咁大個機場無白車，搵人命較飛，啲錯漏仲唔凸顯晒出嚟咩？
錯鑫︰白車係有嘅，不過我哋調動過啫！
李衞︰咁機場啲白車擺出嚟有咩用？
錯鑫︰你都講咗出嚟喇，仲要問？
李衞︰幾時有？我都唔明白你喺度講緊咩？
錯鑫︰啲車咪就係用嚟擺同做樣囉！
