香港大學校務委員會主席「金刀梁」梁智鴻尋日以港大深圳醫院名譽院長身份出席一個關於CEPA嘅論壇。本身係醫生嘅金刀梁笑言最近經常「帶隊行醫」，皆因由港大深圳醫院運作至今，佢個個星期都會同一班教授返去深圳醫院開會同做管理工作，同深圳嘅領導人溝通。醫院內嘅人嚟自五湖四海，要融合到都係一門學問，佢仲話︰「立法會淨係企起身講下嘢，依家呢啲真係落實去做，見到進程o架！」咁忙，會唔會唔夠時間休息呢？佢就話做吓嘢個人先會後生啲。

金刀梁因深圳醫院嘅工作要深港兩邊走，但佢話做吓嘢個人都後生啲。

近日有行政會議成員同立法會議員接受國泰航空款待去法國，畀人質疑有利益輸送之嫌。金刀梁曾經都係行會同立法會議員，對於呢件事又點睇呢？點知佢就耍手擰頭話佢唔講呢啲嘢喎！

第一手消息請下載on.cc東方互動iPhone/iPad/Android/Windows Phone Apps