SUN搞作：少膽虫手記：低成本製作
ATV被罰款一百萬，CEO仲可能畀人炒魷，淫賤黎作為壹全霉主要投脂者，極為震驚。淫賤黎喺房坐立不安，大叫：「少膽虫！開緊急會議！」
少膽虫即刻恭請社長「懵橋」同十九才子一齊入去，點知一打開門，淫賤黎就趴喺地下，向少膽虫等人朝拜：「其實我係美帝走狗，唔係香港人，廣管局遲早會唔畀我做全霉o架……」「懵橋」唔出聲，拎個放大鏡出嚟，好似睇字畫咁睇門口揮春。十九才子則獨自抽泣：「嗚嗚……點解你唔識欣賞祖國母親嘅體味？嗚嗚……」
此時，淫賤黎天真無邪嘅眼神卻落喺少膽虫身上。「虫大哥！」少膽虫望左望右，見唔到有人舉起雙Ｖ手勢影相。「少膽虫大哥！」少膽虫一驚，原來淫賤黎已經箍住少膽虫下面，搖頭擺尾：「大哥！依家得你救到我咋！」少膽虫一朝得志，當然要有啲氣燄，一腳伸開佢：「妖，主就話能夠啫，我點打救你呀？」
「CUT！」黃精導演走近說：「劇本明明係你要同佢情深一吻，你係度做乜？」只見淫賤黎起身一巴冚埋嚟少膽虫度：「我特登叫友台黃精導演合作拍啲低成本製作，你想阻住我哋兩大全霉發達呀？」少膽虫不停掌自己嘴，一邊嗌「天佑爛果」，心中只盼爛全霉爛死。
