SUN搞作:SUN官場現形記:唔夠力「射人」
老廉前高層「李鳴澤」,在任時候就鵪鶉;退咗位懶巴閉,政治前政治後,真係令到市民暈陀陀,唔知佢想點。
市 民︰你做咩退咗休就周圍射嚟射去,搞啲咁嘅嘢?
李鳴澤︰香港係自由社會,我鍾意幾時做就幾時做!
市 民︰但衰在你射得唔夠力,丟……人現眼!
李鳴澤︰點解話我唔夠力?我仲有心有力!
市 民︰咁又唔見你在任時把炮啲做?
李鳴澤︰人哋有難言之隱……
市 民︰係咪又係「挺不起來」?
李鳴澤︰你喺度講咩?
市 民︰咁係嘛,你在任時又唔挺身出嚟講,退任後就大放厥詞,隨口噏「發炮射人」,叫人點認同你?