未死都上天堂

靈人一死，擘大眼就係放滿鐘嘅天堂，死人啲針停轉，而生人啲針有快有慢。靈人好詫異，天使就話，「大話講得多，針就轉得快。」靈人隨口說句，「咁我想睇吓領導嘅針。」說時遲那時快，直升機隆隆飛過，上帝氣沖沖跳落嚟向靈人說：「死蠢！佢嘅針咪攞嚟做咗直升機螺旋槳囉！」

機密原來人人知

小明一尿急除褲，警犬就踢門拉咗小明。小明連褲鏈都未拉就求情：「我喺屋企除褲露械無罪喎！」警犬話﹕「懵佬，拉你係因為你遊行嗌領導係白癡！」一個月後，法官判小明坐十年九個月監，小明喊晒口：「人哋黑社會唔拉你拉我，而且我又冇誹謗佢！」法官話：「你嘅刑期好合理，九個月係因為你洩露國家機密，十年係因為你洩露病人私隱！」

第一手消息請下載on.cc東方互動iPhone/iPad/Android/Windows Phone Apps