SUN搞作:SUN官場現形記:三年又三年
官字兩個口,但就算比你多咗個口,又唔代表佢講句道歉容易咗喎。李衞講緊乜?之唔係三年又三年,菲律賓政府都無正式道歉嘅人質慘劇囉。家屬嘅處境,仲衰過做《無間道》……
臥底:講好咗三年,三年之後又三年,三年之後又三年,就快十年喇大佬!
阿頭:雖然我本人非常抱歉,我唔可以代你之前阿頭履行佢嘅承諾。
臥底:咁即係玩我啫?你知唔知我呢幾年都好大壓力?
阿頭:我都明,但係你都要自行同黑社會周旋。
臥底:咁請問要你嚟托咩?
阿頭:你可以自己同黑社會開戰劈友o架嘛!追我做咩?
臥底:吓?你仲有無人性o架?你有咩資格做阿頭?
阿頭:邊個話做阿頭就要幫你?我負責落區同你哋傾吓計吹吓水咋!