「腦細，出事喇！」少膽虫走得氣急敗壞。「腦細我無事，你又有咩事？」看來淫黎自得大師言「WTF」後，對不幸消息都處之泰然，不過今次卻是非一般小事。「《爛果》畀人貼大字報批鬥！腦細，你仲畀人起埋底！」少膽虫續說。

「啪！」淫黎猛力敲打桌面︰「即係我啲私隱全港人都知？」見腦細如此震怒，少膽虫即言︰「腦細，好在只係喺堆填區畀人貼。」淫黎一聽，即以《爛果》廢紙扑少膽虫︰「咁有咩好，一樣要畀人知！」少膽虫回應︰「喺堆填區垃圾就多，邊有人知？」點知淫黎又再狠扑少膽虫︰「《爛果》都係喺堆填區，你話我係垃圾？算喇！究竟起咗我咩底？」

「話你十三歲就破……」少膽虫未講完，淫黎就嘴角含春搶說︰「咁都知，依家諗番都有啲痛……」少膽虫滿面疑惑︰「乜破產會痛o架咩？」淫黎與少膽虫面面相覷，「唔……咁破產都會心痛o架！仲爆咗我咩料？」淫黎再問。少膽虫怕得口顫顫︰「仲話你成日幫我吹……」「豈有此理，我身為腦細，使幫你吹，你幫我吹就差唔多！」淫黎怒得咬牙切齒。「我都係咁話，催稿梗係細嘅做！」少膽虫附和道。「少膽虫，即刻同我去私隱公署投訴同報警！」

腦細有「柯打」，少膽虫本來都想即刻去做，但突然想到︰「腦細，我哋對其他人都係咁做……」淫黎一臉尷尬，揮一揮衣袖，就叫少膽虫由得佢……

第一手消息請下載on.cc東方互動iPhone/iPad/Android/Windows Phone Apps