本身係飛機師、曾經參加過區議會同立法會選舉嘅Jeremy譚文豪，最近因為電視劇《衝上雲霄2》曝光率大增，佢喺社交網站開設嘅解構劇集錯處專頁更有過萬名「粉絲」。不過，正因為佢嘅專頁更新速度非常緊貼每集劇情，所以有網民就質疑民航機師成日要飛，應該好忙至係，但點解佢好似唔使做咁嘅？

大家覺得譚文豪同Sam哥或Cool魔有冇得比呢？

Jeremy話為咗更新專頁每晚都會追劇，就算落機返到屋企已凌晨三、四點鐘，佢都堅持睇埋套劇、更新埋專頁先至瞓覺，好彩佢最近揸短線、即日來回嘅航班，否則真係唔瞓都搞唔掂喎。如果大家有睇到佢嘅專頁，真係學到好多航空業鮮為人知嘅冷知識，仲可以獲得佢提供嘅入行須知添！

佢仍有意參加一五年區會選舉，最近已開始落九龍東做地區工作。佢仲大嘆話如果今年係選舉年就可食正劇集效應，若後年區會選舉再推《衝3》就好喎。

第一手消息請下載on.cc東方互動iPhone/iPad/Android/Windows Phone Apps