城中鏡：梁寶珠偕女聖樹留影
保良局前主席梁寶珠二十年前赤手空拳去緬甸開廠，成功建立三間製衣廠，佢女兒Maya林玉茵都視緬甸為第二個家，可惜每次到訪僅夠時間巡視廠房，直至日前佢同好友遊仰光三日，先首次有機會遊覽二千多年歷史嘅仰光大金塔，金光閃閃，嘆為觀止。喺大金塔嘅東南角仲有一棵著名菩提樹，聽聞係由佛祖釋迦牟尼金剛寶座旁的聖樹苗移植過去，非常神聖，Maya仲把握機會同媽咪影相留念。
梁寶珠（左）同囡囡林玉茵喺菩提樹前留影。（受訪者提供）
廚藝了得嘅Maya仲帶隊行菜市場，睇見雞竹菇好新鮮，即時掃咗一大袋，馬上搵間餐廳以打邊爐嚟食，入口超甜。緬甸盛產紅寶石同上等翡翠，價錢夠晒平靚正，如龍眼般大嘅紅寶石，比香港買平一大截，團友見咁筍都爭住掃貨！
