咁啱尋日喺養和醫院見到湯臣集團董事湯珈鋮戴住黑超離開醫院，本來想同佢打聲招呼，點知佢匆匆上車離開，乜都冇講。之不過，佢幾日前喺微博話自己過兩日會做近視雷射手術，唔知今次嚟醫院係咪睇眼科呢？
湯珈鋮（右二）戴住黑超離開醫院，之後匆匆上車離開。
話時話，湯珈鋮年紀輕輕就擔大旗，當年十八歲就加入湯臣集團做執董，相信大家都知佢媽咪係息影「俠女」徐楓，喺幾個月前兩母子仲拍住一齊亮相，為集團旗下嘅澳門新樓盤造勢添！
