政壇：政團提「最民主普選方案」
好多組織都話政府遲遲唔展開政改方案諮詢，所以最近除咗多個泛民主派政團拋出方案外，聲稱全港市民都係佢哋黨員嘅「全民在野黨」尋日都唔執輸，拋出一個可喻為暫時「最民主」嘅普選特首方案。該黨建議任何年介三十至七十歲嘅合資格居民都可以自行報名參選，之後由全港市民提名，獲最多提名票嘅三成人就可進入篩選。其後再按提名票數選出得票最多十人成為候選人，跟住好似一般選舉咁，全民投票。
李慨俠（圖右）
該黨創會會長李慨俠話，佢哋對佔領中環行動無既定立場，因為大家爭拗咁多，都係旨在有冇得普選特首喎。所以為咗平息鬥爭，相信呢個方案既公平，且大家聽咗都開心喎。至於方案細節點研究出嚟呢？佢話有公式o架，但研究當中。不過，年滿三十歲就可選特首，咁咪有違《基本法》囉？佢就話《基本法》已有十五年，有需要就要改。民主成咁嘅方案，本港自認係好民主嘅泛民，睇怕都望塵莫及喇！
