今日係農曆七月十四盂蘭節，派米係團體傳統嘅指定動作，立法會議員陳克勤同黨友北區區議員藍偉良都唔例外，聯同粉嶺潮僑盂蘭勝會有限公司及粉嶺潮州會館搞咗個派發平安福米活動。但佢哋嘅宣傳單張就疑似寫錯字，將「盂蘭勝會」寫錯成「孟僑勝會」，咁烏龍嘅事，當然逃唔過網民對眼啦！

該黨多次被發現有黨員講錯英文、印錯卡片等，又難怪啲網民會笑佢哋又出現文盲嘅，甚至仲有人揶揄佢哋成功爭取香港有「孟僑勝會」添！藍偉良回應話，個派米活動喺今個星期四舉行，因為佢唔喺香港，所以暫時唔係好清楚件事，要了解吓先喎！

第一手消息請下載on.cc東方互動iPhone/iPad/Android/Windows Phone Apps