SUN搞作：Sun官場現形記：食乳鴿
白鴿黨舊年立法會選舉，衰貪心，拆咗唔少名單出戰，結果輸到褲都甩。可惜，白鴿黨仲未知衰，通過咗一張重點培訓八人名單，仲多過該黨嘅現任議員人數，老鴿同乳鴿又要爭餐死……
乳鴿宇︰你咁老，唔得o架喇，而且都有心無力！
老鴿仁︰亂噏，我仲「鞭鞭有力」，邊個話我唔得？
乳鴿宇︰你為老不尊，講衰嘢！
老鴿仁︰我係話我仲可以鞭策自己，競選立法會絕無問題！
乳鴿宇︰就算係，你都應該畀新人試吓，唔係個黨會青黃不接。
老鴿仁︰我無話唔畀你試，不過我都會出戰咁解。
乳鴿宇︰咁你即係戀棧權位啫！
老鴿仁︰多講無謂，你贏到我先算。
乳鴿宇︰使唔使咁樣睇小人？
老鴿仁︰有名你叫白鴿黨，自然係白鴿眼喇！
