SUN搞作：少膽虫手記：講就天下無敵

1.為員工全力爭取。

2.凝聚《爛果》團結力量。

在下一入到房，淫黎即刻指住句箴言，喊住問，「我係咪做錯咗？」少膽虫不明所以，淫黎望住壹全霉門口，成班不忿被炒嘅庸工喺度默站抗議。其實少膽虫都唔想炒人，見腦細好似突然有番啲良心，即刻打蛇隨棍上，「黎黎，唔好喊，最多我請番佢哋喇……」淫黎即刻一棍毆埋嚟，大罵「死蠢，你仲唔搵實Q趕走樓下班人？點解我啲員工咁唔團結o架？」有得搵，少膽虫點會唔搵？查實連實Q都唔妥淫黎高壓，一早劈炮，「腦細，實Q哥哥話你撕裂社會，唔做喇……」淫黎即駁，「低能虫！PlanA唔得，咪PlanB囉，我一直為你哋全力爭取加薪4.5%！你哋仲唔齊心啲？」少膽虫問，「腦細，點齊心呀？」淫黎笑答，「一於組團《愛果力》，你做團長！」少膽虫即刻一額汗。