燒房處長驗身，醫生命令他躺在床上。首先是驗腦，醫生發現空空如也，燒房處長解畫：「唔記得同你講，個腦已經賣畀收買佬。」然後是驗眼，醫生發現無論腳眼、肉眼抑或視眼，都有眼無珠。燒房處長解畫：「投訴報案都唔使睇，所以無乜點用。」再來是驗肺，肺部灰灰黑黑，有未熄煙頭卡住氣管，猶如肺中有柴燃燒，即肺柴。燒房處長解畫：「工作環境中濃煙密布，吸埋吸埋好多二手煙。」

醫生再檢查其泌尿系統，褲子一脫，護士姐姐剛好衝了進來：「診所着火喇！嘩！咁細嘅……」燒房處長立即彈起：「吓！趁個火仲細，等我淋熄佢先！」然後半裸衝出去。醫生拎起他濕泅泅的褲慨嘆：「失禁成咁，仲有水救火咩？」

第一手消息請下載on.cc東方互動iPhone/iPad/Android/Windows Phone Apps