SUN搞作：SUN官場現形記：貪曾雀屎vs.錯鑫處長
燕雀烏鵲，巢堂壇兮！香港Cheap官何其多，又點止得貪曾一個？尋日李衞就撞到貪曾同埋錯鑫，佢哋可能畀彼此嘅「磁場」吸引住，竟然企係條街鬧交！李衞特登做咗個記錄，看官請便。
貪曾：（氣宇軒昂）我係君子，你係小人！
錯鑫：點解呢？
貪曾：（氣宇軒昂）君子坦蕩蕩，小人長戚戚！
錯鑫：你有幾坦蕩蕩呀？
貪曾：（不知廉恥）大家都睇晒我啲陰私啦，你淨係識做show搞查房大行動，大而無當，肯定係小人！
錯鑫：前掃街大隊長，我都係學你啫！你任內都用公帑去日本遊歐洲啦！
貪曾：（歡天喜地）我用公帑玩樂夠晒坦蕩，你哋啲電腦咁易洩密，都唔知有無「閃卡」o架！
錯鑫：（拎煙出嚟煲）我至起碼係燒房處長，你只係個無人理嘅雀屎咋！
貪曾：gtg(%(*^(@(!!
